काठमाडौंको शिवपुरीको काखमा रहेको भ्याली पब्लिक उच्च माध्यमिक विद्यालयको आयोजनामा बुधबारबाट प्रथम भ्याली पब्लिक अन्तरबिद्यालय बास्केटबल प्रतियोगिता हुने भएको छ ।

बिद्यालयले मंगलबार पत्रकार सम्मेलन गर्दै पौष २१ गते बुधबारदेखि पौष २६ गते सम्म प्लट टु लेभलको अन्तरबिद्यालय बास्केटबल प्रतियोगिता आयोजना गर्न लागेको जनाएको हो । प्रतियोगीतामा छात्रतर्फ ८ टिमले प्रतिष्पर्धा गर्ने बिद्यालयका अध्यक्ष मेजर लिल बहादुर गुरुङले जानकारी दिनुभयो । प्रतियोगीतामा प्रथम, द्धितिय र तृतीय हुने खेलाडीहरुले सिल्ड, मेडल तथा प्रमाणपत्रको व्यवस्था गरिएको उहाले जानकारी दिनुभयो ।

प्रतियोगितामा जेभियर इन्टरनेश्नल कलेज, टाइम्स कलेज, भ्याली पब्लिक ट्रिनीटी , साइपल लगाएतका उच्च माविहरुको सहभागीता रहने आयोजकले जनाएको छ । प्रतियोगिता विद्यालयका बास्केटबल प्रशिक्षक पूर्ण न्यौपानेको संयोजनमा सञ्चालन हुने वताइएको छ ।