तीन मध्ये कतिले भरतमणि विजेता हुने बताइरहेका छन्, भने कतिपयको दाबी सन्तोष र विक्की मध्य एकले उपाधि जित्ने दाबी रहेको छ ।
विजेता घोषणा हुने दिन नजिकिँदै गर्दै तीन प्रतियोगीलाई सुरुदेखि नियाल्दै आएका निर्णायक मध्येका एक मनोज गजुरेलले भने सबै प्रतियोगीको विशेषताबारे चर्चा गरेका छन् । उनले सामाजिक संजालमा ‘कमेडी च्याम्पियनका ‘उत्कृष्ट तीन’को गजुरेल विश्लेषण !’ भन्दै एक पोष्ट गरेका छन् । जसमा फाइनलमा पुगेका तीन प्रतियोगीको विशेषता र उनले शोमा प्रस्तुत गरेको प्रस्तुतिको चर्चा गरिएको छ ।
यस्तो छ गजुरेलको स्टाटस
विकी अग्रवाल नेपाली कमेडीमा नयाँ आयाम भित्र्याउने साहसी प्रतिभा हुन् भने भरतमणी पौडेल समकालीन हाँस्यब्यङ्ग्यको उत्कृष्ट उदाहरण हुन् । त्यसैगरी सन्तोष थापालाई विकी र भरतमणीको सुन्दर ‘फ्युजन’को रुपमा लिन सकिन्छ ।
‘विकीका प्रस्तुतीहरुमा ‘वर्ड प्ले’को प्रभावकारी योग, ‘प्रप्स’को आकर्षक प्रयोग, ‘वान लाईनरको सही सदुपयोग, ‘अन एक्स्पेक्टेड ईन्ट्री’ र ‘आउट अफ बक्स कन्टेन्ट’को प्रचुरता पाईन्छ भने भरतमणीमा ‘उत्कृष्ट क्यारिकेचर’, ‘हुबहु अभिनय’, ‘भेराईटीज अफ कन्टेन्ट’ र पफर्मेन्समा कन्फिडेन्स देखिन्छ ।
सन्तोस थापाका सेटमा ‘रियल लाईफ एक्सपेरियन्स’, ‘अर्गयानिक कन्टेन्ट’, हाउभाउको सही प्रयोग र प्रस्तुतीमा शालिनता र सरलता भेटिन्छ ।
कमेडी च्याम्पियनको फाईनल ईपिसोडसम्म आईपुग्दा ‘टप थ्री’का केही अविस्मरणीय प्रस्तुतीहरु कहिल्यै बिर्सन सकिँदैन । विकी अग्रवालको ‘यहाँनीर दुख्छ हो’, ‘एयर होस्टेज–बस कन्डक्टर’, ‘हरिमाया भाउजू’, ‘फिल्म डाईरेक्टर’, ‘रावणको पुनर्जन्म’, ‘पेन्टोमाईम’ लगायतका प्रस्तुतीहरु सम्झन लायक छन् ।
भरतमणीका ‘घरबेटी र डेराबाल’, ‘डाक्टर साहेब’, ‘जेष्ठ नागरिक दुःख’, ‘पत्रकारको कथा’, ‘पुर्व युबराज पारसको क्यारिकेचर’ लगायतका प्रस्तुतीहरु दर्शकका मनमा बसि रहनेछ्न ।
त्यसैगरी सन्तोस थापाका ‘अङ्ग्रेजी टिचेर’, ‘महोत्सवको कथा’, ‘डेलिभरी ब्वाईको पीडा’, ‘मपनी व्यापारी’, फिनालेमा प्रश्तुत गरेको ‘भरत–विकीको चेपुवा’ लगायतका प्रश्तुतिहरु जिवन्त र हास्यब्यङ्ग्यात्मक थिए ।
हजारौंबाट सयौं, सयौंबाट दर्जनौं, दर्जनौंबाट ‘उत्कृष्ट ३’ मा आईपुग्नु चानचुने कुरो होईन । यसका लागि तिनैजनाले कडा मेहेनत गरेका छन् । उनीहरु मध्ये जो ‘च्याम्पियन’ बनेपनि नेपाली हास्यब्यङ्ग्यमा एउटा बलियो ईँटा थपिने आशा गर्न सकिन्छ ।
प्रतिक्रिया
सम्बन्धित खवर
