चाडपर्व लक्षित सुपथ मूल्य पसल आजदेखि सञ्चालन हुँदैछन् । दशैं, तिहार र छठपर्व लक्षित सुपथ मूल्य पसल आजबाट सञ्चालन गर्न लागिएको हो ।
यस्ता पसलबाट उपभोक्ताले सहुलियत दरमा खाद्य सामाग्री पाउने छन् ।
खाद्य व्यवस्था तथा व्यापार कम्पनीका अनुसार सबै किसिमका चामल, दाल, चिउरा र पिठोमा प्रतिकिलो ५ रुपैयाँ, भटमासको तेल प्रतिलिटर १० रुपैयाँ, तोरी र सनफ्लावर तेलको प्रतिलिटर ५ रुपैयाँ, कर्णालीको सिमी र फापरमा प्रतिकिलो १० रुपैयाँ र जिउँदो खसी तथा बोकामा प्रतिकिलो १० रुपैयाँ छुट दिइने छ ।
यस्ता पसल काठमाडौंसहित ३९ जिल्लाका ४३ स्थानमा सञ्चालन हुने कम्पनीका नायब महाप्रबन्धक श्रीमणिराज खनालले जानकारी दिएका छन् । उनका अनुसार काठमाडौं उपत्यका, पोखरा र सुर्खेतमा होम डेलिभरीको व्यवस्था पनि गरिएको छ ।
खसी बोकाको बिक्री भने घटस्थापनाको भोलिपल्टबाट मात्रै सुरु गरिनेछ । दाङ र मकवानपुरबाट ३ हजार वटा खसी बोका खरिद गरेर काठमाडौँ ल्याइने छ ।
सुपथ मूल्य पसल कात्तिक २४ गतेसम्म सञ्चालन हुने छन् ।
प्रतिक्रिया
सम्बन्धित खवर
