असार ९ खोटाङ । खोटाङको दिक्तेल रुपाकोट मझुवागढी नगरपालिकाले आगामी आर्थिक वर्ष २०८०÷०८१ को लागि ९८ करोडको बजेट पेश गरेको छ ।शनिबार भएको नगरपालिकाको ९ औँ नगर सभामा ९८ करोड ६ लाख ५७ हजारको बजेट पेश गरिएको हो ।
संघीय सरकारबाट ६९ करोड ९३ लाख र प्रदेश सरकारबाट ३ करोड ९८ लाख १२ हजार बजेट प्राप्त हुने छ । यस्तै ः चालु आर्थिक वर्ष २०७९÷०८० मा खर्च नभइ वचत हुने अल्या रकम ७ करोड १५ लाख ३८ हजार हुने अनुमान गरिएको छ ।
आगामी आर्थिक वर्षमा नगरपालिकाले आन्तरिक आयमा १ करोड ८० लाखको लक्ष्य राखेको छ । संघीय सरकारबाट १३ करोड २४ लाख २९ हजार र प्रदेश सरकारबाट १ करोड ९५ लाख ७८ हजार राजश्व प्राप्त हुने अनुमान गरिएको बजेटमा उल्लेख छ ।
कृषि तथा पशुपालनतर्फ फलफूल प्रशोधन केन्द्र निर्माणका लागि १ करोड र कृषि बजार निर्माणका लागि ५० लाख बजेट विनियोजनसँगै अन्य कार्यक्रमहरु रहेका छन् । वैदेशिक रोजगारीमा गएर फर्केका ब्यक्तिहरुका लागि पुनः एकिकरण परियोजनाका लागि ४८ लाख बजेट विनियोन भएको छ । पर्यटन पुर्वधारमा कालिका भगवती तथा मझुवागढीको सौन्दर्यकरणमा १ करोड ५३ लाख ८४, बुइपामा निर्माणधिन रहेको विश्वकै अग्लो यलम्बरको मुर्ति निर्माणलाई निरन्तरताका लागि २ करोड १० लाख बजेट विनियोजन गरिएको छ ।
यस्तै, नेर्पाको साकेला भिलेज पार्क निर्माका लागि ४६ लाख १६ हजार, नुनथलाको खाम्लामा हँतोलुङ सांकृतिक पार्क निर्माणका लागि ८० लाख बजेट विनियोजन भएको छ । माटिकोरेस्थित दिक्तेल रंगशाला निर्माणमा १ करोड ४९ लाख लगायतका अन्य योजनाहरुमा बजेट विनियोजन भएको छ । कृषि क्षेत्रलाई प्राथमिकतामा राखेको नगरपालिकाले प्राय पुरानै कार्यक्रमहरुलाई निरन्तरता दिएको छ । आगामी आर्थिक बर्षको निति तथा कार्यक्रम नगरपालिकाका नगर प्रमुख तीर्थराज भट्टराई र बजेट नगर उपप्रमुख विशन राईले प्रस्तुत गर्नुभएको थियो ।
आगामी आर्थिक वर्ष २०८०÷०८१ को निति तथा कार्यक्रम हेर्नको लागि तलको लिंक ओपन गर्नुहोस ।
आगामी आर्थिक वर्ष २०८०÷०८१ को बजेट हेर्नको लागि तलको लिंक ओपन गर्नुहोस ।
प्रतिक्रिया
सम्बन्धित खवर
