खोटाङ । खोटाङको दिक्तेल रूपाकोट मझुवागढी नगरपालिका वडा नम्बर ३ बाम्राङ झिसेपुमा आगलागी हुँदा तीन घर जलेर नष्ट भएका छन् । शनिबार दिउँसो
भएको आगलागीबाट स्थानीय कर्ण श्रेष्ठ, कृष्ण श्रेष्ठ र प्रकाश श्रेष्ठको घर जलेर नष्ट भएको जिल्ला प्रहरी कार्यालय खोटाङका प्रहरी नायब उपरीक्षक मन्जिल मुकारुङले बताउनुभयो ।
आगलागीबाट लत्ता कपडा, भाँडा, अन्न लगायत अन्य कुरा जलेर नष्ट भएको छ । आगो प्रहरी, सेना, रेडक्रस र स्थानीय बासिन्दाले नियन्त्रणमा लिएका छन् । विद्युत् सर्ट भएर आगलागी भएको हुनसक्ने प्रहरीको प्रारम्भिक अनुमान छ ।
प्रतिक्रिया
सम्बन्धित खवर
