तेह्रथुम । तेह्रथुममा मोटरसाइकल दुर्घटना हुँदा एक युवकको मृत्यु भएको छ । फेदाप गाउँपालिका वडा नं २ ओयाक्जुङ असुवा बस्ने ४२ वर्षिय चन्द्र बहादुर लिम्बुको मोटरसाईकल दुर्घटनामा परी मृत्यु भएको जिल्ला प्रहरी कार्यालय तेह्रथुमका प्रहरी निरीक्षक छे फिङजो भोटेले बताउनुभयो ।

शनिबार साँझ को २१ प ४२२८ नम्बरको मोटरसाईकल चडेर घर जाने क्रममा लिम्बुको मृत्यु भएको हो । म्याङलुङ बाट घर फर्कने क्रममा म्याङलुङ स्थीत दशगते पार्कमा मोटरसाईकल अनियन्त्रीत भई सडकको पिलरमा ठोकिदा उहाँको मृत्यु भएको प्रहरीले जनाएको छ ।  लिम्बुलाई उपचारका लागि धरान लाने क्रममा बाटैमा मृत्यु भएको प्रहरीले जनाएको छ ।