खोटाङ । मध्यपहाडी राजमार्गअन्तर्गत सिन्धुलीको गोलञ्जोर गाउँपालिका–७ लौकुनबाट सीटीईभीटीका कर्मचारी सवार जीप सुनकोशी नदीमा खसेको छ । सुनकोशी नदीमा जीप खस्दा तीन जना बेपत्ता भएका छन । काठमाडौंबाट खोटाङतर्फ आउदै गरेको प्राविधिक शिक्षा तथा व्यावसायिक तालिम परिषद् (सीटीईभीटी) का कर्मचारी सवार बा १ झ ७४६७ नम्बरको नदीमा खसेको हो।
जीपमा चार जना सवार रहेको जिल्ला प्रहरी कार्यालय, सिन्धुलीका प्रहरी नायव उपरीक्षक चिरञ्जीवी दाहालले बताउनुभयो । एक जना सुनकोशी नदीबाट जिवितै निस्कएको र तीन जनाको अवस्था अज्ञात रहेको प्रहरी नायब उपरीक्षक दाहालले जानकारी दिनुभयो ।

गाडीमा सिटिइभिटीका निर्देशक कृष्णबहादुर केसी, निर्देशक यमबहादुर भुजेल र प्राविधिक अधिकृत भानु पौडेल सवार रहेको खुलेको छ। उनिहरुको खोजी भइरहेको जिल्ला प्रहरी कार्यालयले जनाएको छ ।