हात्तीको आक्रमणमा परेर दमक ३ स्थित भुटानी शरणार्थी शिविर बेलडाँगीकी एक जना महिलाको ज्यान गएको छ ।सो शिविरको सेक्टर नं २ सी वान छाप्रो नं २१ म बस्दै आएका केशरमान राईकी श्रीमती ४७ बर्षिया काउमाया राईको जंगली हात्तीको आक्रमणबाट ज्यान गएको जिल्ला प्रहरी कार्यालयले जनाएको छ ।
प्रहरीका अनुसार मंगलबार दिउँसो त्यहाँस्थित हम्सेदुम्से सामुदायिक वनमा घाँस काट्न गएकी काउमायालाई जंगलमा हात्तीले आक्रमण गरेको थियो । आक्रमणबाट घटनास्थलमै उहाँको मृत्यु भएको जिल्ला प्रहरी कार्यालय झापाका प्रवक्ता डिएसपी खगेन्द्र रिजालले जानकारी दिए ।