खोटाङ, १९ असोज । हिन्दु नेपालीहरुको महान् चाड दशैँ÷तिहार तथा छट पर्वलाई सुरक्षित र मर्यादित बनाउन खोटाङमा सात बुँदे प्रतिबद्धतापत्र जारी गरिएको छ । जिल्ला सुरक्षा समिति खोटाङले आज ९सोमबार० दिक्तेलस्थित जिल्ला प्रशासन कार्यालयमा आयोजना गरेको सर्वदलीय÷सर्वपक्षीय भेलामा सहभागी सरोकारवाला निकाय तथा राजनीतिक दलले प्रतिबद्धतापत्रमा हस्ताक्षर गरेका हुन्
जिल्ला प्रहरी कार्यालय खोटाङले आसन्न चाडपर्वलाई लक्षित गरेर जिल्लामा सुरक्षा व्यवस्थालाई कडाइका साथ पालना गर्ने प्रतिबद्धता जनाएको छ । जिल्लाभित्र गस्तीको दर बढाउने, आपराधिक गतिविधि हुनसक्ने स्थानको सूक्ष्म निगरानी गर्ने तथा सुरक्षा निकायबीचको समन्वयलाई प्रभावकारी बनाएको भएको हो ।
जिल्ला ट्राफिक प्रहरी कार्यालय खोटाङले बजार क्षेत्रको यातायात जोखिम न्यूनीकरणका लागि ट्राफिक नियमलाई कडाइका साथ पालना गर्ने÷गराउने प्रतिबद्धता जनाएको छ । बजार क्षेत्र तथा यात्रुहरुको बढी भीडभाड हुने ठाउँहरुमा नियमित गस्ती गर्ने, यात्रुलाई सूचनामूलक सन्देश प्रवाह गर्ने, मादक पदार्थ सेवन तथा लागू पदार्थ सेवन सम्बन्धी जाँच गर्ने भएको हो ।
जिल्ला प्रशासन कार्यालयमा बसेको सर्वदीय÷सर्वपक्षीय भेलामा जिल्लास्थित सबै राजनीतिक दलले शान्ति, सुरक्षा र अमनचयन कायम गर्ने÷गराउने प्रतिबद्धता जनाएका छन् । चाडपर्वको समयमा जिल्लामा भए÷गरेका आपराधिक घटनाका बारेमा सुरक्षा निकाय तथा जिल्ला प्रशासन कार्यालय खोटाङलाई आधिकारिक सूचना उपलब्ध गराउने र रचनात्मक सल्लाह प्रदान गर्ने भएको हो ।
खोटाङ उद्योग वाणिज्य सङ्घले उपभोक्ताका आधारभूत अधिकार सुनिश्चित गर्न वस्तु तथा सेवा प्रवाहमा गुणस्तरीयता कायम गर्ने÷गराउने प्रतिबद्धता जनाएको छ । भेलामा नेपाल पत्रकार महासङ्घ खोटाङ एवम् जिल्लामा क्रियाशील पत्रकार तथा सञ्चारकर्मीले यातायात व्यवसायी, यात्रु तथा उपभोक्ताको कर्तव्य र अधिकारसम्बन्धी सूचना सम्प्रेषण गर्ने÷गराउने प्रतिबद्धता जनाएका छन् ।
होटल व्यवसायी सङ्घ खोटाङले आधारभूत मापदण्डको अनिवार्य पालना गर्दै यात्रु तथा उपभोक्तालाई गुणस्तरीय एवम् उचित मूल्यमा खाना तथा बासको व्यवस्था मिलाउने प्रतिबद्धता जनाएको छ । जिल्लामा सञ्चालित होटल सञ्चालकहरुले खाना तथा बासको आफूखुसी मूल्य राख्ने र उपभोक्तालाई ठगी गर्ने गुनासो आएपछि त्यसलाई न्यूनीकरण गर्न होटल व्यवसायी सङ्घ प्रतिबद्ध भएको हो ।
नेपाल यातायात व्यवसायी राष्ट्रिय महासङ्घ खोटाङ तथा जिल्लास्थित विभिन्न यातायात व्यवसायी सङ्घहरूले सुरक्षित र मर्यादित यातायात सेवा सञ्चालन गर्ने प्रतिबद्धता जनाएका छन् । चालक तथा सहचालकलाई शिष्ट र मर्यादित व्यवहार गर्ने सम्बन्धी प्रशिक्षण दिने, यात्रुलाई अनिवार्य टिकट दिने र चलान गर्ने, चालक तथा सहचालकले मादक पदार्थ सेवन÷लागू पदार्थ सेवन नगर्ने÷नगराउने, तोकिएको स्थानबाट मात्र यात्रु चढाउने र ओराल्ने प्रतिबद्धता जनाएका हुन् ।
दिक्तेलस्थित खोटाङका प्रमुख जिल्ला अधिकारी गणेशकुमार गुरुङको कार्यकक्षमा आयोजना गरिएको भेलामा जिल्लास्थित सबै राजनीतिक दलका प्रमुख तथा प्रतिनिधि, सुरक्षा निकाय, यातायात तथा होटल व्यवसायी, पत्रकार लगायतको उपस्थिति रहेको थियो । सर्वपक्षीय भेलाले चाडपर्वको अवसरमा शान्ति÷सुरक्षा कायम गर्न जिल्लास्थित दशवटै स्थानीय तहसँग समन्वय गर्ने पनि निर्णय गरेको छ ।
