झापा — प्रथम भद्रपुर झापा गोल्डकप अन्तर्गत आजको खेलमा मछिन्द्र फुटवल क्लव विजयी भएको छ । मेची रंगशालामा जारी प्रतियोगिताको दोस्रो क्वाटरफाइनल खेलमा मछिन्द्रले चर्च व्याइजलाइ १ का विरुद्ध २ गोल गर्दै विजयी भएको हो ।
मध्यान्तर सम्म गोल रहित वरावरी भएको खेलमा मध्यान्तरपछि खेलको ५६ औ मिनेटमा चर्च व्याइजले गोल गर्दै अग्रता लिएको थियो । चर्च व्याइजले अग्रता जोगाउँन नसक्दा खेलको ८० औ मिनेटमा मछिन्द्रका सुजल श्रेष्ठले प्रि किक मार्फत गोल गर्दै आफ्नो टिमलाइ वरावरीमा पुर्याएका थिए । खेलको ८४ औ मिनेटमा हेड मार्फत सुन्दर गोल गर्दै विमल घर्तिमगरले मछिन्द्रको जित सुनिश्चित गराएका थिए । जितसँगै मछिन्द्र प्रतियोगिताको सेमिफाईनलमा प्रबेश गरेको छ ।
भोलिको खेल बिभागीय टोली बिभूवन आर्मी र भुटानको ड्रुक ल्याउल फुटल क्लब बिच हुने आयोजकले जनाएको छ । आइतबारबाट सुरु भएको गोल्डकप फागुन १६ गतेसम्म सञ्चालन हुनेछ । गोल्डकपमा तीन विदेशी टोलीसहित १० टिमको सहभागिता रहेको आयोजक समितिका अध्यक्ष दीपेश ढकालले जानकारी दिए ।
गोल्डकपको विजेता टोलीले नगद १३ लाख र उपविजेताले नगद ७ लाख रुपैयाँ पाउने आयोजकले जनाएको छ । प्रतियोगिताको प्रत्येक खेलको प्लेयर अफ द म्याचले नगद २० हजार पाउनेछन् । उत्कृष्ट गोलरक्षक, उच्च गोलकर्ता, उदयमान खेलाडी, उत्कृष्ट डिफेन्डर, उत्कृष्ट मिडफिल्डर, उत्कृष्ट फरवार्ड, फाइनल खेलको पहिलो गोलकर्ता र प्रशिक्षकलाई २५ हजार दिइने आयोजकले जनाएको छ । प्रतियोगिताको सर्वाेत्कृष्ट खेलाडीलाई नगद एक लाख रुपैयाँ दिइने आयोजकले जानकारी दिएको छ ।