जेठ २०,खोटाङ। दिक्तेल रुपाकोट मझुवागढी नगरपालिका–१२ जालपामा निर्माण गरिएको जालपा कभर्डहल उद्घाटन गरिएको छ । वि.सं. २०७६ सालमा निर्माण शुरु गरिएको कभर्डहलको आइतरबार कोशी प्रदेश प्रमुख परशुराम खापुङले उद्घाटन गर्नुभएको हो ।

नगरपालिकाको रु ७० लाख लगानी तथा स्थानीय उपभोक्ताको श्रमदानबाट निर्माण गरिएको कभर्डहलमा करिव १०० जना दर्शक अट्ने स्टुडियसहित सुविधा सम्पन्न सौचालय निमार्ण गरिएको वडाअध्यक्ष दानबहादुर राईले बताउनुभएको छ । कभर्डहल उद्घाटन कार्यक्रममा पूर्व सांसद टंक राई, दिक्तेल रुपाकोट मझुवागढी नगरपालिकाका नगरप्रमुख तीर्थराज भट्टराई, एमालेका नेता रामप्रसाद दंगाल लगायतको उपस्थिति थियो ।

जालपाका एघारजना पूर्व खेलाडीलाई सम्मान

जालपाका भलिबलका पाँचजना तथा तेक्वान्दो र सितोरियो कराँतेका दुई÷दुईजना पूर्व खेलाडीलाई सम्मान गरिएको छ । भलिबलका पूर्व क्षेत्रीय खेलाडीहरु बलराम राई, सम्बरबहादुर राई, वीरबहादुर तामाङ, ताराकला राई र जसुदा राई, तेक्वान्दोका पूर्व खेलाडी विकास र सङ्गम गुरुङ तथा सितोरियो कराँतेका चन्द्रबहादुर राई ‘मदन’, गौतम राई र कैलाश राईलाई सम्मान गरिएको हो ।